Груевски ја честита победата на македонската кошаркарска репрезентација | Теми | DW | 04.09.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Груевски ја честита победата на македонската кошаркарска репрезентација

Македонскиот премиер Никола Груевски синоќа во телефонски разговор со селекторот на македонската кошаркарска репрезентација Марин Докузовски му ги пренесол своите честитки за остварената победа над грчката репрезентација

default

Груевски, како што соопшти владината прес-служба, истакна дека оваа победа и храбрата и пожртвувана игра е историски подвиг кој силно ја израдува нацијата, ја сплоти и придонесе за чувството на гордост на секој граѓанин.

„Овој голем успех, за кој се најзаслужни играчите и членовите на стручниот штаб, е успех за секој граѓанин, успех за Македонија, пример дека со труд, желба и залагање, како што покажа кошаркарската репрезентација, прогресот и триумфите во секоја област се достижни и остварливи“, истакна премиерот Никола Груевски во телефонскиот разговор со селекторот Докузовски.

Македонија го победи двократниот европски кошаркарски првак Грција со 72:58 во 3. коло од еврошампионатот штосе одржува во Литванија.

Македонската кошаркарска репрезентација денеска во 14:30 часот во Алитус во рамките на натпреварите од 4. коло за противник ја има репрезентацијата на Финска.

Автор: ЖА/СН/миа

Редактор: Симе Недевски

Поврзана содржина