Груевски повеќе не е пратеник | Северна Македонија | DW | 11.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Груевски повеќе не е пратеник

Македонското собрание денеска покрај оставката на пратеникот на ВМРО-ДПМНЕ, кој се наоѓа во бегство во Унгарија, ја констатираше и оставката на парламентарецот од редовите на владејачката СДСМ, Павле Богоевски.

Претседателот на собранието, Талат Џафери, денeска ја констатираше оставката на пратеникот на опозициската ВМРО ДПМНЕ и пребеганиот поранешен премиер Никола Груевски, кој во Унгарија ужива политички азил. Груевски по пошта минатата недела ја достави својата оставка напишана на унгарски јазик, откако во парламентот беше започната постапката за одземање на пратеничкиот мандат бидејќи е неоправдано отсутен повеќе од 6 месеци.

Поранешниот премиер Груевски, против кого се водат повеќе кривични постапки и истраги, побегна на 11 ноември минатата година во Будимпешта за да избегне служење на правосилна затворска казна од две години.

Повеќе на темата:

-Згужван јуни

-Вмровско искушение

-Шутирање на мали голчиња со мандатите на Груевски и Богоевски

По констатирање на оставката на пленарна седница, предлогот на Комисијата за мандатно-имунитетни прашања е повлечен од дневен ред.

Пратениците денеска ја констатираа и оставката на пратеникот на владејачката СДСМ и претседател на комисијата за мандатно-имунитетни прашања Павле Богоевски, кој самиот ја поднесе откако на социјалните мрежи беше објавена компромитирачка снимка како нарачува неименувам наркотик.

DW.COM

Реклама