Германците му вртат грб на месото - нов начин на исхрана | Информации и анализи за Германија | DW | 29.05.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Германците му вртат грб на месото - нов начин на исхрана

Коронавирус и работа од дома, ограничувања и скандали во индустријата за месо го променија начинот на живот и на исхрана на Германците. Но, на експерименти со месо од лабораторија и од инсекти се спремни главно младите

Пандемијата на коронавирусот го донесе и ова: од 21 март, значи непосредно по воведувањето на ограничување на контакти во Германија, преку Гугл многу почесто од порано е пребаруван поимот – простирка за јога. Трговците со велосипеди велат дека имаат посебно зголемен број купувачи откако им е дозволено повторно да ги отворат продавниците.

А ако отидете во парк или на брегот покрај река во некој германски град, ќе ве воодушеви мноштвото луѓе кои таму шетаат или нешто вежбаат. Изгледа дека многу Германци времето на корона го искористија за што повеќе да се движат.

Повеќе се готви

Овој поздрав начин на живот, барем привремено, многу Германци го искористија и за промена во начинот на исхрана. Во репрезентативно истражување на компанијата за испитување на јавното мислење Кантар, во име на фондацијата Хајнц Ломан, секој четврт Германец изјавил дека готви почесто отколку порано.

Повеќе:

Фотографија на денот: Ќофте од инсекти

Повисоки даноци на месо во Германија?

Коронавирус: Зошто повеќе страдаат мажите и дебелите луѓе?

Германците се изразито дебели

Мнозинството останува верно на својот претходен репертоар рецепти, а 18 проценти изјавиле дека од почетокот на корона-кризата, готват поинаку. Во овој случај поразлично значи и – поздраво: свеж зеленчук и салата споменуваат 70 проценти од испитаниците, а вегетаријански јадења наведуваат дури 48 насто од анкетираните. Само околу 38 проценти одговориле: „"печевме леб, колачи и пецива, што не е изненадување со оглед на тоа што во супрмаркетите извесно време брашното и квасецот беа распродадени.

Долгорочно, помалку месо на трпезата

Истражувањето е објавено на крајот на април, пред месната индустрија да се најде во фокусот на јавноста поради тоа што се дозна дека кланиците, односно колективното сместување за работниците од странство, се жаришта на коронавирусот.

Се чини дека политичката дебата за неподносливите работни услови, на Германците не им го уништи апетитот за месо: Здружението на производители на месо повторно благо ја зголеми препораката за покачување на цената на месото. Фактот дека некои кланици сега се затворени, речиси да не влијаеше врз цената, вели една аналитичарка, но побарувачката расте откако рестораните повторно отвораат. Покрај тоа, извозот на месо, посебно во Кина, останува стабилен.

Меѓутоа, гледано долгорочно, независно од короната, во Германија опаѓа потрошувачката на месо, посебно на свинско. Сојузното здружение на германската месна индустрија неодамна регистрираше пад на потрошувачката, со што 2019 година е прва од појавата на кравјо лудило, во која просечниот Германец консумирал помалку од 60 килограми месо и месни производи.

Тоа се поклопува со анкетата на Форса, спроведена околу Нова година во име на сојузното Министерство за земјоделство: 26 проценти од Германците тогаш изјавиле дека јадат месо секој ден, но пет години претходно тоа го изјавиле 34 проценти. „Особено има сѐ повеќе мажи кои се одрекуваат од секојдневната порција месо", наведува Министерството за земјоделство.

Уделот на вегетаријанци (пет проценти) и веганци (еден процент) во популацијата останува непроменет. Истражувањето е дел од овогодинешниот извештај за исхрана, кој денеска го претстави министерската за земјоделство, Јулија Клекнер.

Во пораст е консумирањето замена за месо од растителни состојки, инсекти или вештачко месо произведено во лабораторија. Сепак, само 49 проценти од испитаниците изјавиле дека веќе тестирале такви производи. Процентот на оние кои пробале или консумирале такви производи е поголем меѓу младите луѓе.

Корона: 14 проценти од Германците се здебелиле, а десет проценти ослабеле

Без оглед на сите квалитативни промени во начинот на исхрана, зголемениот број простирки за вежбање јога и велосипеди, се чини дека пандемијата на корона оставила и видливи – квантитативни последици: во истражувањето на Кантар, споменато на почетокот, 14 проценти од Германците изјавиле дека во текот на корона-кризата ја зголемиле телесната тежина, додека само 10 проценти дека ја намалиле.

Поврзана содржина

Реклама