Се знае дека Делта варијантата се пренесува полесно, таа е веројатно околу 60 % позаразна, но во поглед на смртноста, таа е веројатно помалку опасна од други мутации на коронавирусот, смета генералниот секретар на Германското друштво за детска и младинска медицина, Буркарт Родек.
Германскиот експерт ова го изјави вчера во Бундестагот каде се расправаше на тема училиштата и пандемијата. Родек истакна дека податоците се базираат на привремени сознанија од Велика Британија, каде Делта варијантата е широко распространета.
Во однос на децата постојат само ограничени податоци, рече експертот, дополнувајќи: „Досега не се регистрирани стационарни згрижувања на деца како последица од инфицирање со Делта вирусна варијанта“. Родек советува внимателен приод и избегнување на ширење алармирачки вести за Делта сојот во различни места во Германија, додека не се соберат доволно информации за фактичката опасност на мутацијата кај деца. Тој пледира и за вршење ПЦР тестови во школите како најсигурно средство за спречување на зараза меѓу учениците, кај кои болеста најчесто не се манифестира со симптоми.
Повеќе:
Поради Делта сојот, повторно рестрикции за луѓето кои влегуваат во Германија?
Вакцината на Бионтек и Фајзер е ефикасна и против Делта сојот на коронавирус
Колку навистина е опасна Делта-варијантата на коронавирус?
Уште еден стручњак предупредува од ширење паника во Германија заради Делта варијантата. Шефот на сојузното здружение на државните здравствени осигурувања, Андреас Гасен, реакциите на ширењето на Делта варијантата ги смета за несразмерни и делумно дури за хистерични.
„Неодговорно е постојаното оперирање со апокалиптички сценарија. Населението има право да биде информирано за најновите развои на пандемијата, но и на рекција со соодветна смиреност и претпазливост“, истакнува Гасен.
Неговите проценки се дека Делта варијантата уште до крајот на јули ќе биде доминантна во Германија. Неговиот став гласи: Делта е полесно пренослива, но постојните сознанија упатуваат на тоа дека е многу понеопасна од досегашните варијанти.
-
Вакцини- адути на човештвото против Ковид-19
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
-
Вакцини- адути на човештвото против Ковид-19
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
-
Вакцини- адути на човештвото против Ковид-19
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
-
Вакцини- адути на човештвото против Ковид-19
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
-
Вакцини- адути на човештвото против Ковид-19
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
-
Вакцини- адути на човештвото против Ковид-19
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
-
Вакцини- адути на човештвото против Ковид-19
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
-
Вакцини- адути на човештвото против Ковид-19
Новавакс: Нова надеж
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
-
Вакцини- адути на човештвото против Ковид-19
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
-
Вакцини- адути на човештвото против Ковид-19
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Автор: СН/дв, Андреј Гурков
Можно е повторно зголемување на бројките на новоинфицирани, вели Гасен, но досега нема никакви фундирани укажувања за истовремен пораст на уделот на тежок тек на болеста, дотолку повеќе што вакцинираните се доволно заштитени. Тој пледира за укинување на обврската за карантин за целосно вакцинираните луѓе по нивно враќање од престој во области каде се раширени мутациите.
„Знаеме дека комплетно вакцинираните лица се извонредно заштитени и од Делта варијантата, затоа не треба сите да се ставаат во еден кош".
Уделот на Делта варијантата на коронавирус во вкупната бројка на инфицирани врз основа на податоците на Институтот Роберт Кох во Германија изнесувал во средината на јуни преку една третина. Околу 36,5 % од населението, според Министерството за здравство, е целосно вакцинирано против коронавирус.
