Германскиот исток сѐ уште каска зад западот | Свет | DW | 08.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Германскиот исток сѐ уште каска зад западот

30 години по падот на Берлинскиот ѕид, јазот меѓу истокот и западот на Германија не само што сѐ уште е присутен, туку прашање е, сметаат економските стручњаци, дали воопшто ќе исчезне.

30 години по падот на Берлинскиот ѕид, Германија е најсилна економија во Европа. Но каква е состојбата во земјата? Дали и натаму има разлика во стандардот меѓу истокот и западот на Германија? Повторното обединување на Германија -  тоа беше навистина скап проект.

За изградбата и економското заздравување на поранешната Германска Демократска Република, од 1990. до денес потрошени се околу 1.600 милијарди евра. Со државни пари беа обновени патиштата и телекомуникациите, санирани градовите, а многу пари беа вложени и во економијата и во социјалниот систем. Но и покрај сѐ, истокот и натаму заостанува зад западот. Без разлика дали станува збор за висината на платите, за инфраструктурата или за бројот на луѓе на кои им се заканува сиромаштија во староста, разлики и натаму постојат. 

Повеќе:

-Демонстрацијата која отвори пат за пад на Берлинскиот ѕид

-Како борците за граѓански права го фрлија на колена режимот на ГДР

-ГДР – неуспешен диктаторски експеримент

Така, просечната плата на западот во минатата година изнесуваше околу 3.400 евра, а на истокот околу 700 евра помалку. Стапката на невработеност на западот во моментов изнесува 4,8 отсто, а на истокот 6,4. Освен тоа на истокот е многу потешко да се најдат добро платени работни места. Поради полошата перспектива, многу Германци се преселија од исток на запад, така што бројот на население на истокот на Германија опадна за 11 насто. 

Гледај видео 02:05

Зошто истокот сѐ уште каска зад западот?

Сѐ на сѐ и 30 години по падот на Берлинскиот ѕид, јазот меѓу истокот и западот на Германија не само што сѐ уште е присутен, туку прашање е, сметаат економските стручњаци, дали воопшто ќе исчезне. 

Значи, поранешниот комунистички исток и покрај сѐ, не успева да го достигне стандардот на капиталистичкиот запад. Ако тоа не им успеа на Германците, кои во целиот проект вложија 1600 милијарди евра, што тогаш можат да очекуваат останатите поранешни комунистички земји?  

DW.COM

Аудио и видео прилози на оваа тема

Поврзана содржина

Реклама