Германија пушти срце: слободен влез и за невенчани партнери | Информации и анализи за Германија | DW | 07.08.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Германија пушти срце: слободен влез и за невенчани партнери

Германија ќе им даде шанса и на невенчаните парнери да се спојат во време на пандемија на коронавирус. Од понеделник ќе бидат олеснети граничните контроли за да им се овозможи на паровите повторно да се сретнат.

По повеќемесечна одделеност поради рестриктивните мерки поврзани со коронавирусот, паровите кои не се во брак конечно ќе можат да се сретнат во Германија. Исклучокот ќе биде направен за партнери на Германци од земји кои Германија ги смета за високоризични, а тоа во моментов се речиси сите земји надвор од ЕУ. Паровите ќе мора да приложат некаков доказ дека биле во врска и пред пандемијата, соопшти германското министерство за внатрешни работи.

Границите на ЕУ беа затворени за патници од земји надвор од блокот од март годинава, со исклучок на неопходните работници и лица кои се венчани за ЕУ резиденти.

На социјалните мрежи, одделените парови лобираа да им се дозволи повторно спојување под хаштазите #LoveIsEssential и #LoveIsNotTourism.

Гледај видео 01:34

Ковид-19: Љубов преку ограда

Неколку држави, Австрија, Норвешка и Данска, се одзваа на повикот и воведоа ткн. „љубовни визи“ со кои им се овозможува на паровите да се спојат.

Во Германија, паровите ќе мора да покажат покана од партнерот кој живее во Германија и да потпишат изјава со која потврдуваат дека се во врска.
Исто така ќе мора да приложат докази, како печати во пасош или авионски билети, дека се среќавале лично во Германија најмалку еднаш или дека живееле заедно во странство.

Европската комисија денеска го повтори повикот до земјите-членки да им овозможат на невенчаните парови да се среќаваат. Согласно ЕУ регулативите таквата можност постои и можат да ја користат сите земји-членки, но само неколку го прават тоа.

DW.COM

Поврзана содржина

Реклама