Германија: Носење маски - обврска во сите покраини | Свет | DW | 22.04.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Германија: Носење маски - обврска во сите покраини

Граѓаните на Германија во сите покраини ќе мора да носат маски како заштита од ширењето на коронавирусот. Но, правилата не секаде се сосема исти.

Во борбата против ширењето на коронавирусот се посегнува по мерката - задолжително носење маски во сите германски покраини. Бремен денеска беше последната покраина која најави обврска за носење маски. Oдлуката за тоа ќе биде донесена во петок, а носењето маски ќе биде задолжително од понеделник, соопшти портпарол на покраинската влада.

Од понеделник почнува задолжителното носење маски и во Северна Рајна Вестфалија, Рајнланд Пфалц, Долна Саксонија, Сар и Бранденбург. Во сите покраини ќе мора да се носат маски во јавниот сообраќај и, со исклучок на Берлин, во продавниците.

Повеќе:

Коронавирус: Парадокс со заштитните маски

Колку помагаат заштитните маски за одбрана од коронавирусот

Германски фирми отстапуваат маски, Фолксваген ќе произведува медицинска техника

Во покраината Мекленбург Предна Померанија веќе беше донесена одлука за носење маски во јавниот сообраќај, а сега тоа се проширува и на задолжително носење маски во продавниците. Покраинската премиерка Мануела Швезиг за весникот „Билд“ изјави дека би било добро кога „за носењето маски би имало исти правила во сите покраини“.

Носењето маски на средбата на покраинските премиери и канцеларката Ангела Меркел минатата недела беше препорачано, но не и ставено како обврска во заклучоците.

Гледај видео 01:25

Роботи за спас од инфекција