Германија: Олеснувања за вакцинираните и оздравените | Информации и анализи за Германија | DW | 06.05.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Германија: Олеснувања за вакцинираните и оздравените

Германскиот Бундестаг се изјасни за разлабавување на рестрикциите за вакцинираните и лицата кои прележале Ковид-19.

За целосно вакцинираните, значи оние кои добиле две дози, или во случајот со вакцината на Џонсон и Џонсон една доза, и за лицата кои прележале Ковид-19 и оздравеле, треба да отпаднат многу од корона-рестрикциите кои во моментов важат во Германија.

Бундестагот денеска со големо мнозинствo гласаше „за“ уредбата предложена од Владата. Уредбата доби зелено светло од пратениците на ЦДУ, ЦСУ, СПД, Зелените и Левицата, воздржани беа Либералите, а против беа пратениците на деснопопулистичката АфД.

Bundeskanzleramt in Berlin

Бундестагот со големо мнозинствo гласаше „за“ уредбата предложена од Владата

Доколку за разлабавување на мерките за вакцинираните и оздравените утре гласа и Бундесратот, тогаш тие веќе од викендот ќе можат да уживаат во активности кои досега им беа резерврани само на оние кои приложиле негативен корона-тест.

Повеќе:

Веќе од сабота, повеќе слободи за вакцинираните Германци

Чудото од Лиг- германско село без ниту еден случај на Ковид-19

Германија: Без забрани за излегување и ограничување на контакти за вакцинираните

На целосно вакцинираните и оздравените лица веќе нема да им биде потребен негативен тест кога одат на купување, на фризер или во посета на ботаничка градина, на пример. Исто така за нив отпаѓаат и ограничувањата на движењето. Но, сепак, и натаму ќе мора да носат маски и да држат пропишано растојание.

Гледај видео 02:17

Прошетка во Русија и вакцинирање

Освен тоа, вакцинираните и оздравените ќе може да се среќаваат без ограничувања. На средбите со други лица тие нема да се бројат. На пример, во региони со висока стапка на зараза две невакцинирани лица ќе може да се среќаваат со неограничен број вакцинирани лица. И обврската за карантин за луѓето кои доаѓаат од странство во принцип нема да важи за вакцинираните и оздравените, освен ако контакт-лицето е заразено со варијанта на вирусот која во Германија сѐ уште ја нема, а која ја има „загрижувачки својства“. Обврската за карантин ќе важи и натаму за лицата кои доаѓаат од региони каде се раширени варијанти на коронавирусот.