Галерија- Скопје се задуши во смог и магла | Македонија | DW | 15.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Галерија- Скопје се задуши во смог и магла

Енормното загадување во Скопје во текот на зимските месеци станува редовна појава последниве години. Новите градски власти најавија итни мерки, но засега ефектот од нив е незначителен.

Нивото на штетни честички во воздухот во Скопје продолжува драматично да расте. Последните мерења покажуваат вредности кои за повеќе од десет пати ги надминуваат дозволените во ЕУ. Густата магла- карактеристична за овој дел од годината во главниот град- само го засили чувството на граѓаните дека се наоѓаат во гасна комора. Откажани или пренасочени се и повеќе летови на скопскиот аеродром. Лекарите препорачуваат граѓаните по можност да не ги напуштаат своите домови, или да користат маски и друга заштита при движење на отворено. Во воздухот се чувствува остар мирис на чад, пластика и хемикалии. На социјалните мрежи повеќе граѓани информираат дека било забележано палење на контејнери и канти за отпад во неколку делови на градот. Според агенцијата Макфакс, во неколку аптеки во Скопје веќе се потрошиле и резервите од маски за заштита од загадениот воздух. Се работи за маски кои содржат активен јаглен и имаат рок на употреба од неколку денови. За утре се најавени протести пред владата под мотото „Станете за чист воздух“.

DW.COM

Реклама