Габриел: За влез во ЕУ, Србија треба да ја признае независноста на Косово | Свет | DW | 15.02.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Габриел: За влез во ЕУ, Србија треба да ја признае независноста на Косово

Германскиот министер за надворешни работи ја повика Србија да го признае независно Косово, зашто тоа е главен услов да биде примена во ЕУ.

Основен услов за Србија да биде примена во ЕУ е да ја признае независноста на својата поранешна провинција Косово, изјави германскиот министер за надворешни работи Зигмар Габриел на синоќешната заедничка прес-конференција со косовскиот премиер Рамуш Харадинај во Приштина. Освен тоа, централна улога има функционирањето на правната држава, а ваквата порака, као што рече, Габриел ѝ ја пренесол на српската влада при посетата на Белград.

Serbien Sigmar Gabriel und Aleksandar Vucic (picture-alliance/dpa/S. Stein)

Зигмар Габриел и српскиот претседател Александар Вучиќ на средба во Белград

Србија сѐуште не го признава Косово за самостојна држава, надевајќи се дека тоа нема да претставува предуслов за нејзино членство во ЕУ. Европската комисија неодамна им ја подотвори вратата на земјите од Западен Балкан до 2025. година со усвојувањето на посебен документ- Стратегија за Западен Балкан. Со Србија и Црна Гора веќе се водат разговори, а сигнали на надеж се испратени и кон Македонија, Албанија, Косово и БиХ.

Повеќе на темата: 

Западен Балкан - геостратешка инвестиција на ЕУ

Моја Европа: Местото на Западен Балкан е во ЕУ

Германија спаѓа во првите земји кои ја признаа независноста на Косово. Габриел синоќа повтори - Косово никогаш повеќе нема да биде дел од Србија. Германската влада натамошно ќе се залага за Косово да биде признато и од останатите членки на ЕУ: Шпанија, Романија, Кипар, Грција и Словачка. Останатите 23 ЕУ-држави веќе го имаат направено овој чекор.

 

DW.COM

Реклама