Во Приштина од Сирија се вратија 110 косовски граѓани | Свет | DW | 20.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Во Приштина од Сирија се вратија 110 косовски граѓани

Повеќе од 100 Косовци денеска се вратија во татковината од некогашните региони во Сирија под контрола на џихадистичката милиција Исламска држава.

Акцијата за враќање на косовските државјани планирана со поддршка на САД беше досега најголема од ваков вид во Европа. Косовските власти денеска соопштија дека 110 граѓани на Косово, главно жени, кои ги следеле своите мажи во редовите на џихадистите и нивните деца се вратиле во земјата. Косовскиот министер за правда Абелард Тахири истакна: „Денеска во раните утрински часови, спроведена е многу чувствителна и значајна операција со помош на САД“. Според Тахири, Косово извршило репатријација на 110 свои државјани од воената зона во Сирија.

Повеќе:

-Балканот и натаму соочен со исламистичка закана

-Косово станува регрутен центар на Исламска држава

Меѓу нив се четири осомничени борци на Исламска држава, а повеќето се жени и деца, изјави Тахири. Четирите борци , според министерот, ќе бидат задржани 48 часови во истражен затвор во Приштина. Меѓу повратниците има 32 жени и 74 деца, од кои 9 сирачиња, чии родители загинале во војната во Сирија.

Косово, кое претежно муслиманско население,  е европска земја со најголем број борци во ИД во сооднос со бројот на население. Според информациите на косовското министерство за внатрешни работи вкупно околу 300 Косовци се имаат приклучено на џихадистичките групи во Сирија и во Ирак.

     

DW.COM

Реклама