Во безредијата во Парагвај убиен опозиционер | Свет | DW | 01.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Во безредијата во Парагвај убиен опозиционер

Сенаторите во Парагвај зад затворени врати гласаа за промена на Уставот која требаше да овозможи реизбор на претседателот на државата, по што демонстранти го запалија Конгресот.

Владејачката партија во Парагвај се обидува да овозможи реизбор на претседателот на државата Хорасио Картес по секоја цена. Сенаторите на седница зад затворени врати, која не беше свикана од првиот човек на горниот дом на парламентот, гласаа за промена на Уставот.

Пред парламентот во Асунсион опозицијата демонстрираше против уставни промени кои треба да му овозможат на претседателот уште еден мандат. Полицијата реагираше остро против демонстрантите и употреби водени топови и гумени куршуми. Ситуацијата ескалираше, по што демонстрантите се втурнаа во Конгресот и ја запалија зградата.

Според медиумски извештаи, полицијата убила еден од демонстрантите. Наводно се работи за 25-годишен член на опозиционата партија ПЛРА. Се јавува и за повеќемина повредени, меѓу кои и политичари.

Хорхе Гомез, кој е меѓу демонстрантите во Аунсион, вели:

„Уморни сме од корупција. Уморни сме од тоа што законите не се почитуваат. Уморни сме и Парагвај нема да молчи.“

Мандатот на претседателот Картес завршува во 2018 година.

Гледај видео 01:26

„Парагвај нема да молчи“

Аудио и видео прилози на оваа тема

Реклама