Високоексплозивна ситуација на Блискиот Исток | Свет | DW | 05.07.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Високоексплозивна ситуација на Блискиот Исток

Постојани напади, одмазда, безредија-по смртта на тројцата киднапирани израелски тинејџери и едно палестинско момче. Расте загриженоста дека тензиите на Блискиот Исток целосно ќе ескалираат.

Израелската армија изврши воздушни напади врз објекти на исламското движење Хамас во Појасот Газа како одговор на ракетниот напад од палестинска територија. Израелски воени авиони извршиле напад врз три центри на борци на Хамас во јужниот дел на Газа, откако најмалку 15 ракети истрелани од палестинска територија го погодија јужниот дел на Израел. Нема податоци за жртви во нападите.

Безредијата од Источен Ерусалим ноќеска се проширија и на други места, како што јавува израелскиот весник „Хаарец“ во онлајн изданието. Причина за најновите тензии беше убиството на тројца израелси ученици и наводно одмаздничко убиство на палестинско момче. Неговото семејство ги обвини израелските доселеници за убиство на 16-годишното момче. Израелската полиција пак тврди дека не е исклучена криминална заднина на случајот. На маргините на погребот на момчето, вчера гневните Палестинци влегоа во улични борби со израелската полиција, при што беа ренети повеќемина луѓе.

Во медиумите се јавува за наводно претстојно примирје. Исламистичката организација Хамас, која управува со Појасот Газа, понуди запирање на ракетните напади врз израелската територија, доколку Израел ги запре своите воздушни напади, јавуваат британските медиуми, повикувајќи се на палестински извори. Неидентификуван палестински извор во Ерусалим, близок до Хамас, открил дека високи функционери на египетското разузнавање посредуваат за можен прекин на огнот, откако во изминатите неколку денови дојде до ескалација на непријателствата.

Израел не ги потврди овие информации. Израелскиот министер за надворешни работи Авигдор Либерман оцени дека прекин на огнот би бил голема грешка.

Поврзана содржина

Реклама