Виролозите прогнозираат масовно заразување со Омикрон и скорешен крај на пандемијата | Свет | DW | 22.01.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Виролозите прогнозираат масовно заразување со Омикрон и скорешен крај на пандемијата

Во следните недели ќе сведочиме на масовно заразување со Омикрон и заедно со имунитетот од вакцинацијата тоа ќе доведе до скорешен крај на пандемијата. Годинава ќе се вратиме во нормалниот живот, предвидуваат виролози.

Кристијан Дростен Виролог

Германскиот виролог Кристијан Дростен

Водечкиот германски виролог Кристијан Дростен смета дека уште во текот на 2022 година ќе можеме да му се вратиме на нормалниот живот. Во интервју за „Тагесшпигел“ експертот вели дека „со помош на вакцините досега е минат поголем дел од тој пат“. 

Неизбежно е сите да се заразат со коронавирус  

Имено, благодарение на имунизацијата инфекциите со новата варијанта на коронавирусот Омикрон минуваат далеку полесно, смета Дростен. Вирологот ги споредува со „патувачки воз на кој се качуваме во движење“. Добрата вест во случајот, вели Дростен, е дека во моментов тој воз се движи со за нас удобна бавна брзина, иако никој не може да ја исклучи веројатноста подоцна тој одново да забрза. 
Според вирологот, варијантата Омикрон претставува шанса, но само доколку е исполнета една претпоставка- благодарение на вакцинациите општеството веќе да има широк имунитет на коронавирусот. 
„Порано или подоцна сите ќе се заразат со Ковид-19- тоа е неизбежно. Нема како целото население да добие бустер дози за неколку месеци“, вели Дростен.
Сепак, тој смета дека имунитетот кај населението се развива во правилна насока.
„Но и во иднина, вакцинацијата ќе игра решавачка улога, затоа што за невакцинираните вирусот е особено опасен“. 

Deutschland - Corona-Situation

Годинава животот може да се врати во нормала, прогнозираат германски виролози


На прашањето дали некогаш повторно ќе можеме да живееме како пред пандемијата, научникот е оптимист.
„Да, апсолутно. Во тоа сум целосно убеден“. Тој предвидува и нов пробив во битката со коронавирусот. Според него, наскоро ќе има спреј кој ќе содржи ослабени вируси или слична комбинација, кој со прскање во носот ќе создава имунитет. Сепак, следната зима може повторно да има голем број инфекции вели тој: 
„Веројатно ќе мораме повторно да носиме маски во затворени простории, бидејќи заштитата ќе се намали и ризичните групи ќе треба поинтензивно да се заштитат“. 

Скорешен крај на пандемијата?  

Епидемиологот Клаус Штор, долгогодишен експерт на СЗО, исто така предвидува скорешен крај на пандемијата. 

Клаус Штор

Германскиот виролог Клаус Штор

Според него, во следните недели ќе настапи масовно глобално заразување со Омикрон, кое не може да се спречи. Тоа, според Штор, ќе создаде природен имунитет кој „ќе го надгради имунитетот од вакцините“. Двата имунитети заедно ќе доведат до трајна имунолошка заштита, така што четвртата, петтата, шестата и понатамошните засилувачки дози ќе станат непотребни. Дури наесен, според експертот, ќе треба да се преиспита дали на лицата постари од 60 години треба да им се понуди нова бустер вакцинација.

DW.COM