Видео-снимки го докажуваат бегството на атентаторот од Берлин | Свет | DW | 27.12.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Видео-снимки го докажуваат бегството на атентаторот од Берлин

Претпоставките околу патот по кој избегал Анис Амри по нападот во Берлин се чини се потврдени. Ден пред да биде застрелан во Милано, Тунижанецот е снимен на железничка станица во Лион.

Осомничениот напаѓач на божиќниот панаѓур на берлинскиот Брајтшајдплац на снимките од камерите за надгледување се гледа како на 22 декември стои на еден перон на железничката станица во Лион, јавуваат повеќе медиуми, повикувајќи се на извори од истрагата.

24-годишниот Амри на снимките стои сам, носи капа и ранец со себе. Француските истражители претпоставуваат дека Тунижанецот во Лион купил билет за Шамбери, кој се наоѓа меѓу Лион и италијанската граница, и оттаму го продолжил патувањето кон Милано. Ноќта кон петокотАмри Анис беше убиен во Милано при рутинска полициска контрола.

И натаму е нејасно како атентаторот успеал да побегне од Берлин и на кој начин отпатувал за Франција.

Во нападот врз божиќниот панаѓур на Брајтшајдплац на 19 декември беа убиени 12 луѓе, еден од нив - возачот на полскиот товарен камион со кој според истрагатаАмри влетал во масата луѓе.

Нови сознанија околу полскиот возач

Возачот на камионот, кој по нападот беше пронајден мртов на совозачкото седиште, според информаците на весникот „Билд“, бил застрелан во главата неколку часови пред изведувањето на атентатот. Досега се претпоставуваше дека човекот кратко пред нападот водел борба со атентаторот во возачката кабина.

Резултатите од обдукцијата покажуваат дека Полјакот бил ранет со огнено оружје уште во времето меѓу 16:30 и 17:30 часот и загубил многу крв. Но, можно е тој сепак да бил жив до моментот на атентатот, кратко по 20 часот.  

 

DW.COM

Реклама