Вељаноски, Ристовски и Јанакиески приведени за „крвавиот четврток“ | Северна Македонија | DW | 20.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Вељаноски, Ристовски и Јанакиески приведени за „крвавиот четврток“

Обвинителството гони пет лица како организатори на крвавиот упад во Собранието на 27 април 2017. Меѓу нив е и експремиерот Груевски, како и избеганиот разузнавач Никола Бошкоски

Основното јавно обвинителство за гонење на организиран криминал и корупција до Кривичниот суд доставило наредба за притвор на пет лица, осомничени за организирање на настаните од 27-ми април 2017 година, дознаваме од извори во истрагата. 
Официјално нема податоци за кои лица се бара притвор, а се очекува официјално соопштение. Но, според неофицијални информации, две од лицата за кои се бара притвор се надвор од државата. Се претпоставува дека станува збор за поранешниот премиер Никола Груевски и за поранешниот вработен во УБК, Никола Бошкоски, кој повеќе од една година е во Грција. 

Mazedonien | Neuer Parlamentspräsident kann Amt nicht antreten | Ex-Parlamentspräsident Veljanovski (picture-alliance/AP Photo/B. Grdanoski)

Поранешниот собраниски спикер Трајко Вељаноски е меѓу обвинетите како организатор на упадот од 27 април


Под сомнение за наводна вмешаност во организацијата на насилствата од „крвавиот четврток“ медиуми веќе објавија дека попладнево веќе бил приведен поранешниот претседател на Собранието, Трајко Вељаноски, а по него и ексминистерот за транспорт Миле Јанакиески, како и ексминистерот за труд во владата на ВМРО-ДПМНЕ, Спиро Ристовски. 
Дел од лицата кои ги бара обвинителството беа посочени во сведочењето на Александар Василевски-Нинџа пред судот. 

DW.COM

Реклама