Велигден се прослави во катедралата во Келн | Теми на денот | DW | 08.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Велигден се прослави во катедралата во Келн

Катедралата во Келн со миса и молитва на верниците го прослави Воскреснувањето на Исус Христус

Во келнската кадетрала дојдоа и православни верници

Во келнската кадетрала дојдоа и православни верници

Христовото Воскресение, како знак на ново раѓање, нов почеток се прослави и во катедралата во Келн. Верниците со бели свеќи во раката се собираа на мисата која почна околу еден и пол час пред полноќ и се молеа заедно со свештените лица. Тие пред себе имаа и ноти и ги пееа заедно со црковниот хор, велигденски песни.

Мисата во катедралата ја оддржа келнскиот надбискуп кардиналот Јоахим Мајснер. Тој им порача на вернциите Исусовото Воскресение да го доживеат како светлина и да се радуваат и да бидат среќни, а во својата молитва побара на младите да им се се зацврсти верата и љубовта.

Верниците во срцето на Келн доаѓаа уште во текот на денот бидејќи имаа можност да се исповедаат, оти за Велигден се потребни и чисти мисли, а дојдоа и на полноќната миса, бидеjќи како што велат и самите Велигден е голем празник за нив.

„ Велигден е најголемиот празник на католиците. Не постев, по малку, во црква одам само за големите празници, бидејќи разликувам меѓу црквата и верата, а верувам повеќе отколку што црквата бара од мене.“ - „ Јас сум православна, а за мене Велигден значи дека Хрисус е буден.“ - „ За мене Велигден е многу убав ден бидејќи знам дека Исус е воскреснат од мртвите.“ – „ Јас сум Христијанин и за мене на Велигден почнува нов живот. Поради тоа и постев, се откажував од јадење по малку но и од некои задоволства. Прво го доживував Господ со мене, а потоа и со црквата.“

За Велигден Исус е повторно тука, многу верници не постеле цело време и не се откажувале од некои навики, но важно е да се пронајде сопственото место во општеството велат тие, кои синоќа во катедралата во Келн, дојдени од многу места во светот го прославија Воскреснувањето на Исусу Христос.

Реклама