„Вашингтон пост“: Истрага против Трамп лично | Свет | DW | 15.06.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

„Вашингтон пост“: Истрага против Трамп лично

Американскиот претседател Доналд Трамп се нашол и лично во визирот на специјалниот иследник за аферата со Русија, пишува „Вашингтон пост“. Истрагата претставува драматичен пресврт во аферата со Русија.

Специјалниот обвинител Роберт Милер, според весникот „Вашингтон пост“, ги проверува обвинувањата против претседателот Доналд Трамп дека во аферата со Русија се обидел да изврши недозволено влијание врз правосудството. Весникот притоа се повикува на повеќе извори кои се запознати со проблемот.

Правните застапници на Трамп изјавија дека протекувањето информации во ФБИ за претседателот е противправно и револтирачки. Меѓутоа, не е јасно дали информациите на весникот потекнуваат навистина од ФБИ.

„Вашингтон пост“ пишува дека истрагата против Трамп почнала откако бил отпуштен шефот на ФБИ, Џејмс Коми. Соработници на специјалниот обвинител имаат намера да разговараат со шефовите на тајните служби оваа недела. Тајната служба НСА за весникот наведува дека ќе соработува со специјалниот обвинител, без притоа да наведе други детали.

USA Anhörung James Comey, früherer FBI-Direktor (Getty Images/AFP/C. Somodevilla)

Џејмс Коми беше сослушан во Комисијата за тајни служби на 8 јуни

Минатата недела Коми пред сенатската Комисија за тајни служби опиша како Трамп во текот на разговор во четири очи се обидел да го убеди да крене раце од истрагата против поранешниот советник на Трамп за национална безбедност, Мајкл Флин. Покрај Коми, од страна на Комисијата беа сослушани и директорот на националната тајна служба Ден Коутс, како и шефот на тајната служба НСА - Мајкл Роџерс. Делови од сослушувањето се одвиваа без присуство на јавноста.

Истрагата против Трамп лично претставува драматичен пресврт во аферата со Русија. Досега истрагата се вртеше пред сѐ околу прашањето дали во текот на кампањата за претседателските избори имало илегални договори меѓу Русија и соработници во тимот на Трамп. Сега фокусот би можел да биде преместен врз сомневањето дека Трамп се обидел да ја сопре оваа истрага.

 

DW.COM

Реклама