1. Прескокни до содржината
  2. Прескокни до главната навигација
  3. Кон други страници на DW
Bulgarien erste Sitzung des neuen Parlaments
Фотографија: Reuters

Софија: Едногласно ратификуван договорот со Македонија

ЕМФ /агенции
18 јануари 2018

Парламентот во Софија денеска едногласно го ратификуваше Договорот за пријателство, добрососедство и соработка меѓу Република Бугарија и Република Македонија.

https://p.dw.com/p/2r45o

За ратификација на Договорот за добрососедство со Македонија гласаа 186 бугарски пратеници. Министерката за надворешни работи Екатерина Захариева по гласањето им се заблагодари на сите кои работеле на договорот во текот на изминатите години. Според нејзе, интерес на Бугарија е „стабилна, демократска и пријателска Република Македонија“. Одговарајќи на забелешките на неколкумина пратеници во врска со договорот, Захариева рече дека тие се совпаѓаат со тезите на опозицијата во Македонија. Според нејзе, очигледно е дека „со антибугарска политика веќе не се добиваат избори во Македонија, што дава надеж дека тоа ќе остане трајна политика“. Министерката треба редовно да го информира Собранието во Софија за исполнувањето и напредокот во врска со преземените обврски од договорот.

Justizministerin Ekaterina Zaharieva Bulgarien Boyko Borissov
Министерката Захариева треба да го известува парламентот за напредокот на спроведувањето на обврските од договоротФотографија: BGNES

Во текот на дискусијата околу Договорот, заменик претседателот на Собранието, Валери Жабљанов (БСП), рече дека е „крајно време да се запрат фанфарите кои ги слушаме 6 месеци“ и дека со договорот се „рехабилитира македонизмот, тој се базира на него и признава постоење на два одделни народа, два јазика“. Жабљанов смета дека договор треба да има, но дека актуелниот договор е „недоносче“.

Јулијан Ангелов (Обединети патриоти) пак, е уверен оти договорот „ќе ги заштити и бугарските интереси и Бугарите во Македонија“. „Во договорот многу јасно е напишано како се докажуваат моменти до историјата на Македонија и Бугарија - врз база на автентични документи“, потенцираше тој.

Пламен Манушев (ГЕРБ) потсети дека Бугарија прва ја признала Македонија и реторички праша дали е возможно враќање назад. „Овој договор дава можност да запре антубугарската пропаганда во Македонија“, рече тој. Според Манушев, договорот не е „предавство“, туку напротив - тој е “историски пробив во односите меѓу два братски народа, две братски држави“.

Македонскиот парламент го ратификуваше договорот на почетокот на неделава, со 61 глас.

Договорот за пријателство, добрососедство и соработка беше потпишан на први август 2017 година.

Прескокни го блокот Тема на денот

Тема на денот

Рација против група која планирала државен удар во Германија

Рација во Германија: Планиран државен удар

Прескокни го блокот Повеќе теми
Врати се на почетната страница