Британските медицинари предупредуваат од втор бран на коронавирусот | Свет | DW | 24.06.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Британските медицинари предупредуваат од втор бран на коронавирусот

Кратко откако британскиот премиер Борис Џонсон најави олеснување на корона-рестрикциите во Англија, медицинските експерти му упатија остро предупредување во заедничко писмо.

Водечките британски здравствени експерти остро ги критикуваат досега најопсежните олеснувања на корона-мерките во Англија. Во отворено писмо, објавено во „Британскиот медицински журнал", тие предупредуваат од сериозен ризик од втор бран инфекции со коронавирус во Велика Британија.

Мора брзо да се дејствува за да бидат избегнати натамошни жртви и загуби за стопанството, истакнуваат медицинарите во писмото упатено до партиските раководства. „Многу елементи на инфраструктурата, потребни за сузбивање на вирусот, само што се создадени, но претстојат значајни предизвици."

„Додека размерите на пандемијата во Велика Британија е тешко да се прогнозираат, расположливите докази укажуваат на можноста од избувнувања локални жаришта и постоење ризик од втор бран", се вели во писмото.

Повеќе:

Велика Британија: Коронавирусот „коси“ во старечките домови – 12.500 мртви

Ковид-19: Велика Британија го презема мрачниот примат во Европа

Џонсон: Џени од Нов Зеланд и Луис од Португалија ми го спасија животот

Како светот се справува со кластерите на коронавирусот

Владата има обврска не само брзо да ги санира економските последици од првиот бран на пандемијата, туку и земјата да ја подготви соодветно за втор бран. Во потписниците на апелот се вбројуваат претседателите на Кралскиот колеџ за хирургија, Колеџот за физика и Кралскиот колеџ за ургентна медицина.

Британскиот премиер Борис Џонсон вчера најави дека од четврти јули во Англија повторно можат да отворат кафулињата, рестораните и хотелите. И спортските игралишта, кината, музеите, галериите и библиотеките можат повторно да почнат со работа.

Истовремено Џонсон најави скусување на задолжителното физичко растојание меѓу луѓето од два на еден метар. Новите мерки важат само за Англија, во Шкотска, Велс и Северна Ирска одлучуваат тамошните влади.

Владините советници за медицински прашања вчера олеснувањата на корона-мерките ги означија како неризични. Велика Британија е најтешко погодена земја во Европа од пандемијата на коронавирус. Според Институтот Џонс Хопкинс, регистрирани се 308.000 заразени, а преку 43.000 лица починаа поради коронавирусот. Експертите сметаат дека сивите бројки се многу повисоки.

Поврзана содржина

Реклама