1. Прескокни до содржината
  2. Прескокни до главната навигација
  3. Кон други страници на DW
Litauen Flughafen Vilnius Protest Verhaftung Roman Protasevich
Фотографија: Mindaugas Kulbis/AP Photo/picture alliance

Фотографија на денот: Каде е Роман Протасевич?

ЕМФ
24 мај 2021

„Каде е Роман?!“, стои на плакат кој го држи жена која протестира на аеродромот во Вилнус откако авионот на Рајанер слета во Литванија без уапсениот белоруски опозиционер Роман Протасевич.

https://www.dw.com/mk/%D0%B1%D0%B5%D0%BB%D0%BE%D1%80%D1%83%D1%81%D0%B8%D1%98%D0%B0-%D1%80%D0%BE%D0%BC%D0%B0%D0%BD-%D0%BF%D1%80%D0%BE%D1%82%D0%B0%D1%81%D0%B5%D0%B2%D0%B8%D1%87-%D0%B0%D0%B2%D0%B8%D0%BE%D0%BD-%D0%BE%D0%BF%D0%BE%D0%B7%D0%B8%D1%86%D0%B8%D0%BE%D0%BD%D0%B5%D1%80-%D0%B0%D0%BF%D1%81%D0%B5%D1%9A%D0%B5-%D0%BC%D0%B8%D0%BD%D1%81%D0%BA/a-57638505

По принудното слетување на патничкиот авион на Рајанер во Минск, леталото со неколку часа задоцнување слета во Вилнус без белорускиот опозиционер Роман Протасевич. Според изјави на неколкумина патници во авионот, Протасевич претпоставил дека авионот слетува принудно во главниот град на Белорусија поради него. „Го фати паника и рече дека е тоа поради него“, изјави патничката во авионот Моника Симкине за агенцијата АФП.

Поддржувачи на белоруската опозиција се собраа на аеродромот во Вилнус, држејќи плакати на кои пишуваше: „Рајанер, каде е Роман?!“. 

Авионот на Рајанер, кој беше на пат од Атина за Вилнус, вчера беше принуден да слета во главниот град на Белорусија придружуван од белоруски борбен авион. На аеродромот во Минск потоа беше уапсен критичарот на власта во Белорусија и поранешен главен уредник на опозицискиот канал Некста, Роман Протасевич. Белоруските власти, кои минатата година го прогласија каналот Некста за екстремистички поради тоа што, како што се вели, се користел за организација на масовни демонстрации против Лукашенко, соопштија дека го уапсиле Протасевич откако авионот во којшто патувал бил пренасочен кон Минск поради закана со бомба. Кабинетот на Лукашенко соопшти дека тој лично наредил ловецот МИГ-29 да го следи авионот на Рајанер до Минск. Заканата е добиена додека авионот бил над Белорусија, се тврди од кабинетот на Лукашенко. Претставници на белоруските власти подоцна информираа дека во авионот не е пронајден експлозив. Роман Протасевич, кој од Белорусија побегна во Полска, е соочен со казна затвор до 15 години.

Прескокни го блокот Тема на денот

Тема на денот

Членството во Европската политичка заедница не е замена за членството на С.Македонија во ЕУ, во повеќе наврати беше нагласено во Брисел

Прашки самит, европска зима и македонски очекувања

Прескокни го блокот Повеќе теми

Повеќе теми

Врати се на почетната страница