Белграѓани гневни поради елката од 83.000 евра | Свет | DW | 25.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Белграѓани гневни поради елката од 83.000 евра

18 метри високата пластична елка во центарот на Белград предизвикува незадоволство и подбив кај граѓаните поради рекордната цена од 83.000 евра. „Ова е само врв на ледениот брег од корупција“, пишува „Блиц“.

Пластичната елка во српскиот главен град ги иритира граѓаните, зашто чинела рекордни 83.000 евра и претставува „само врв на ледениот брег од корупција и класичен пример на отуѓување пари од градската каса“, напиша во неделата весникот „Блиц“. „Најскапото новогодишно дрво во светот“ е изложено три дена пред истекот на јавниот тендер за него. Граѓаните своето незадоволство го изразуваат со постојано рачно пишување пораки во подножјето на елката. „Желба за 2018: неранимајковците да се најдат в затвор, наместо во парламентот“, пишува на едно ливче; „Градската управа в затвор!“ или „Градоначалникот да добие повеќегодишна затворска казна“, се дел од другите пораки. На Твитер се нижат жолчни коментари под хаштагот „83.000 желби“. Градоначалникот на Белград, Синиша Мали, и порано беше присутен во новинските наслови поради различни дубиозни работи. Меѓу другото, беа приложени докази дека неговата докторска дисертација е плагијат, а до денес останува непознато со чии пари купил 24 станови во Бугарија, како што пишува агенцијата ДПА.

Гледај видео 01:20

Пластичната елка ги „запали“ Белграѓани

 

Аудио и видео прилози на оваа тема

Реклама