Бекам во мисија за поголема популарност на фудбалот во САД | Теми | DW | 13.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми

Бекам во мисија за поголема популарност на фудбалот во САД

Во светот на фудбалот не стивнуваат реакциите по веста дека англискиот фудбалер Дејвид Бекам од Реал Мадрид заминува во САД, каде во наредните пет години ќе игра во дресот на Галакси од Лос Анџелес.

Дејвид Бекам

Дејвид Бекам

Трансферот изнесува фантастични 250 милиони долари. Раководството на американскиот клуб е задоволен што во своите редови го донесе првокласниот фудбалер. Самиот Бекам неговиот ангажман го разбира како мисија за зголемување на популарноста на овој спорт преку Атлантикот

„ Не велам дека со моето доаѓање во САД фудбалот ќе стане најголем спорт во Америка бидејќи тоа е многу тешко да се постигне. Би сакал да кажам дека тоа ќе се случи, но мислам дека во САД има многу големи спортови, како безболот, кошарката, рагбито. Тешко е да се натпреваруваш со некои од нив кои веќе имаат историја. Мислам дека фудбалот има голем потенцијал. Немаше да го потпишам петгодишниот договор доколку не верувам во овој проект„ рече Бекам