Апсења по нападот во Измир | Свет | DW | 06.01.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Апсења по нападот во Измир

По терористичкиот напад во турската западна пристанишна метропола Измир, безбедносните сили уапсиле 18 осомничени лица. Властите одговорноста ѝ ја припишуваат на ПКК.

Турскиот министер за правда Бекир Боздаг денеска ја обвини забранетата курдска Работничка партија, ПКК, дека стои зад нападот во Измир. „Не постои никаков сомнеж. Сите наши досегашни сознанија упатуваат на тоа дека сепаратистичката терористичка ПКК дала налог за извршување на нападот“, изјави денеска Баздог во Измир.

Во нападот со автомобил-бомба и престрелката пред судската зграда во Измир вчера загинаа еден полицаец и еден судски соработник, а убиени беа и двајца напаѓачи. 

„Идентитетот на терористите - извршители на нападот е познат, но засега нема да го откриеме“, изјави министерот. Седум ранети луѓе и натаму се наоѓаат на лекување во болница, станува збор за тројца адвокати, и по двајца полицајци и цивили.

„Терористичките организации во Турција работат речиси непрекинато, во смени“, изјави Баздог.

Во текот на новогодишната ноќ еден терорист уби 39 гости во локалот „Реина“ во Истанбул. Одговорноста за атентатот ја презеде терористичката милиција Исламска држава. Напаѓачот и натаму е во бегство.

Моментот на нападот во Измир е снимен од камера за видео-надзор, како што се гледа во следното видео: 

Гледај видео 00:55

Турција тврди-нападот во Измир е дело на ПКК

 

 

Аудио и видео прилози на оваа тема

Реклама