Апелацискиот суд ги намали казните за осудените за „Труст“ | Северна Македонија | DW | 11.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Апелацискиот суд ги намали казните за осудените за „Труст“

Бизнисменот Сеад Кочан доби казна затвор од 4,8 години, а Василије Авировиќ наместо затворска доби условна казна од две години.

Кривичниот совет судии на Апелацискиот суд во Скопје ја потврди првостепената пресуда на Кривичниот суд за предметот на специјалното јавно обвинителство со кодно име „Труст“. Казната на Кочан ја намали од 6 на 4,5 години, а на Авировиќ од три години - во условна казна.

Епилогот за Авировиќ следува откако лани Собранието изгласа измени во Кривичниот законик, со кои за кривичното дело злоупотреба на постапката за јавен повик, доделување договор за јавнa набавкa или јавно-приватно партнерство, предвидената казна беше намалена од 5 на 4 години. Апелацискиот суд му ја ублажил казната од 3 на 2 години, што дозволува да му биде изречена условна осуда.

Mazedonien Justiz Appellationsgericht (Petr Stojanovski)

Првото рочиште за случајот се одржа на 7 ноември 2017 година, а обвинетите пресудата ја слушнаа на 20 јули 2018 година. Управителот на компанијата „Трансмет“, Сеад Кочан беше осуден бидејќи со лажни документи учестувал и добил тендери за ископ на јаглен и јаловина во РЕК „Битола“ на АД ЕЛЕМ вреден 17 милиони евра.

Судијката Лидија Трајковска Зимбовска го ослободи од обивинение третообвинетиот Сафет Ветиќ, затоа што делото за кое се гони не е кривично дело.

DW.COM

Реклама