Албанија ползува од косовските царини за Србија | Информации и анализи за Балкан | DW | 19.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Албанија ползува од косовските царини за Србија

Според договорот меѓу Тирана и Приштина, Косово од 15 јануари ја царини стоката во својата подружница во албанското пристаниште во Драч. Покрај тоа косовскиот увоз од Албанија е двојно зголемен.

Косовската царина сега има подружница во албанското пристаниште во Драч. Според договорот меѓу  Тирана и Приштина. Косово од 15 јануари ја царини стоката тука. Што значи тоа за бизнисот? Шериф Хаволи, шеф на косовската подружница во Драч истакнува: „Косовскиот увоз поминува само низ една царинска процедура на патот кон крајните дестинации како Призрен, Приштина, Урошевац, Печ“.

Повеќе за темата во следново видео:

Гледај видео 02:14

Косовскиот увоз се царини уште во Драч

Порано имаше две царинења, на границите на Албанија и на Косово и на конечните дестинации. Новите царински процедури важат и на преминот Морина-Врбница.  Ергус Катеши шеф на царината во Морина вели : Превозниците сега на границата завршуваат за помалку од 20 секунди. Царината е завршена на Косово, а тука само ја преминуваат границата. Истото важи и за другата страна: доаѓаат од Драч и заминуваат до целта. “

Повеќе на темата:

-Косовските царини за Србија отвораат шанса за Албанија?

-САД му ја ускратуваат љубовта на Косово?

Голема промена- во времето кое е потребно и за трошоците. Еден возач, кој работи  за фирма од Прешево која увезува цемент од Албанија истакнува дека новиот начин на царинење значително му ја олеснува работата : „Порано беше многу потешко, сега се' оди многу побрзо. Само ги предаваме документите и продолжуваме. Ништо не чекаме“.

Но не се промени само царинската рутина. Драконските косовски царини на стоката од Србија и од БиХ. значително го зголемија  увозот од Албанија.

Тој имено е зголемен е за 50 насто особено увозот на пченица поради таксата на стоката од Србија и од Босна. А потоа цементот, железото и слично.

 

DW.COM

Аудио и видео прилози на оваа тема

Реклама