Актерот Алек Болдвин уби камерманка и рани режисер | Свет | DW | 22.10.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Актерот Алек Болдвин уби камерманка и рани режисер

Трагичен инцидент го потресе Холивуд: акертот Алек Болдвин при снимање на филм пукал од оружје кое било реквизит и притоа убил камерманка и го ранил режисерот. Полицијата отвори истрага.

Камерманката Халина Хачинс (42) е смртно застрелана во инцидентот, се вели во соопштение на полицијата во Санта Фе. Режисерот Џоел Соуза (48) е повреден и пренесен во болница.

Инцидентот се случил во текот на снимањето на вестернот „Rust“ на ранчот Бонанца Крик во Ново Мексико. 63-годишниот Болдвин има главна улога во филмот и истовремено е и продуцент.

Полицијата добила итен повик од локацијата каде што се снима филмот. Според полициското соопштение, Хачинс била со хеликоптер префрлена во болница и таму била утврдена нејзината смрт. Засега нема информации каква е здравствена состојба на Соуза, кој е во болница во Санта Фе.

Filmregisseur Joel Souza

Режисерот Џоел Соуза е во болница во Санта Фе

Иследниците зеле изјави од сведоци. Се истражува и оружјето и начинот на којшто било пукано. Досега не е покрената кривична истрага, наведува полицијата.

Тимот портпароли на Болдвин засега не дава изјави. Актерот, еден ден пред инцидентот, на Инстаграм постави своја фотографија со брада и во „вестерн облека“.

Тој во филмот го глуми бандитот Харланд Раст, по кого е распишана потерница. Во филмот, меѓу другите, глумат и Френсис Фишер, Брејди Нун, Тревис Фимел и Џенсен Еклс.