Ако на Грците не им се допаѓа ни Северна Македонија, па Пепси нека се викаат! | Северна Македонија | DW | 21.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Ако на Грците не им се допаѓа ни Северна Македонија, па Пепси нека се викаат!

По последната рунда протести против името Северна Македонија во Атина, германските медиуми се прашуваат: постои ли име кое ќе им биде прифатливо на националистите во Грција?

Спорот за името меѓу Македонија и Грција стигна и до страниците наменети за деца во германскиот печат. Зидојче Цајтунг во викенд изданието се обидува да им го објасни на своите најмлади читатели апсурдниот спор, кој трае повеќе од 2,5 децении, во текст кој носи наслов „Именден“.

„Никој не може да си го избере своето име. Дали некој ќе се вика Ана, Макс, Винету, Емили-Екстра, Пепси или Пумукл (сите овие имиња всушност постојат во Германија) одлучуваат родителите.
Не секој на крајот е среќен со нивниот избор.

Сепак, многу е тешко официјално да си го смените името. Самиот факт што е глупаво не е доволно добра причина за надлежните. Потребна е навистина добра причина. Тоа важи и за државите. Македонија имаше таква причина: веќе 25 години земјата поради своето име има конфликт со соседот Грција. Таму, имено, постои еден регион кој исто така се вика Македонија. Оттука постои опасност да дојде до забуна, а притоа Грците стравуваат дека Македонија може да има претензии кон нивниот регион. Од таа причина тие досега го блокираа влезот на Македонија во НАТО и ЕУ. Во обид да го реши спорот, Македонија сега се преименува во Северна Македонија. Но Грците повторно не се најсреќни со тоа. Тие не сакаат да го споделуваат името и посакуваат појасна дистинкција. Можеби Пумукл или Пепси?“, се прашува Зидојче Цајтунг.

Griechenland Athen | Protest gegen Abkommen mit Mazedonien, Namensstreit | Ausschreitungen (Reuters/A. Konstantinidis)

Насилство на протестите против Преспанскиот договор во Атина

Тагесцајтунг денеска информира од неделниот протест во Атина со забелешка дека бројноста ни оддалеку не ги исполнила очекувањата.
„Организаторите очекуваа повеќе од половина милион луѓе на големиот протест пред грчкиот парламент. До доцна попладнето, очекувањата не беа исполнети. Сепак: тоа беа едни од најголемите демонстрации последниве години во Грција.

(...) Негативните реакции на компромисот се уште се огромни. Но нема дилеми дека овој собир учествуваа значително помалку луѓе одошто порано, на почетокот на деведесеттите. Тогаш милиони излегуваа на улиците во одбрана на „историското наследство на Александар Велики“, не само во Атина, туку пред се во Солун, главниот град на грчката провинција Македонија“, пишува Тагесцајтунг.

 

DW.COM

Поврзана содржина

Реклама