Агунг заканувачки татни, евакуација на Бали | Панорама | DW | 27.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Агунг заканувачки татни, евакуација на Бали

На индонезискиот остров Бали расте стравот од масивна вулканска ерупција. Властите наредија евакуација на околу 100.000 луѓе од околината на вулканот Агунг.

Националната индонезиска служба за менаџирање катастрофи на Фејсбук напиша дека исфрлањето пепел од планината Агунг до висина од 3400 метри повремено е проследено со експлозивни ерупции и слабо заканувачко татнење. Ноќе зачестено се гледаат огнени блесоци. „Тоа укажува на опасност од претстоечка посилна ерупција“, истакнуваат властите. Селата околу вулканот се покриени со пепел, зоната на опасност околу вулканот од седумипол е проширена на десет километри. Властите прогласија аларм од највисок степен. Оттаму веќе се заминати околу 40.000 луѓе, но треба да бидат евакуирани најмалку уште толку. Меѓународниот аеродром на островот Бали останува и натаму привремено  затворен, што погоди преку 400 летови, од кои речиси 200 се меѓународни.

Indonesien Bali Ausbruch des Vulkans Mount Agung (Reuters/Antara/N. Budhiana)

Во околината на вулканот сѐ е покрино со пепел

Вулканот последен пат беше активен во 1963. година, кога загинаа преку 1.000 луѓе, а бројни села беа уништени. Бали е познат туристички центар, со своите плажи и храмови привлекува милиони туристи од цел свет.

Гледај видео 00:47

Страв од скора ерупција на Агунг

 

Аудио и видео прилози на оваа тема

Реклама