Австралија привремено ги прекина воздушните напади во Сирија | Свет | DW | 20.06.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Австралија привремено ги прекина воздушните напади во Сирија

Заканата на Русија дека над Сирија ќе соборува авиони на воената коалиција, предводена од САД, покажува дејство. Австралија привремено се откажа од воениот ангажман во завојуваната земја.

Австралија ги суспендираше воздушните напади против терористичката организација Исламска држава (ИД) како знак на претпазливост откако американските сили соборија авион на сириската војска.

Министерството за одбрана на Австралија соопшти дека воздушните напади се привремено прекинати поради „низа потенцијални закани“.  Австралија има распоредено 6 воени авиони во база во Обединетите Арапски Емирати чија цел е ИД во Сирија и во Ирак.

Одлуката за суспендирање на воздушните напади следеше по предупредувањето на Русија дека сите авиони на меѓународната коалиција, која ја предводат САД, а кои летаат западно од Еуфрат „ќе бидат набљудувани“ и „сметани за цели“ на руската противвоздушна одбрана во Сирија. Сириските официјални лица го осудија американскиот „бесрамен напад“ за кој рекоа дека ќе има „опасни последици“. Австралија е дел од анти-ИД коалицијата на западни и арапски земји, предводена од САД.  Покрај тоа руското министерство за одбрана го суспендираше безбедносниот договор, чија цел е избегнување на можни колизии во воздушниот простор на Сирија. 

Американското министерство за одбрана пак сигнализираше дека има намера да се потруди за брза деескалација. Каналот на комуникација со руската војска функционираше многу добро во изминатите осум месеци, изјави пак началникот на генералштабот на здружените воени сили на САД, Џо Данфорд. Затоа, истакна тој, во наредните часови на дипломатско и на воено ниво ќе се работи на тоа овој канал повторно да биде отворен. Русија во сириската граѓанска војна е главен сојузник на претседателот на државата Башар-ал Асад. Вториот сојузник, Иран пак во неделата вечерта истрела серија проектили кон позициите на џихадистите во областа Палмира во Сирија.

DW.COM

Реклама