Австралија: закани и навреди за гласачите на референдумот | Македонија | DW | 29.09.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Австралија: закани и навреди за гласачите на референдумот

Македонските власти најавија остри мерки против оние кои ги попречуваат и навредуваат иселениците во Австралија при гласањето. На социјалните мрежи се појавија снимки од случувањата пред македонскиот конзулат

Припадници на македонската дијаспора кои излегоа да гласаат на референдумот денеска биле цел на навреди и закани од нивни сонародници во Австралија. Луѓето кои гласале биле снимани и потоа објавени на социјалната мрежа Фејсбук во групата наречена „Предавници“.

Иселениците кои решиле да гласаат на референдумот биле навредувани и добивале закани додека оделе на гласачкото место.

Македонското Министерство за надворешни работи соопшти дека „најостро го осудува објавувањето на снимки на социјални медиуми како и навредите кон македонски граѓани во Австралија, кои решиле да излезат и да гласаат на референдумот“.
„Ова претставува директно прекршување на основното демократско право на гласање, но и влијание врз референдумскиот процес, како и прекршување на правото на приватност за време на гласање. Каков било обид за влијание или притисок врз гласачите на денот на гласање за референдумот е недопустливо“, велат од МНР.
Локалните власти во Австралија се известени за настанот, велат од МНР, и најавуваат законски мерки за санкционирање на сторителите.

Гледај видео 03:32
Now live
03:32 минути

Македонија- поделена спроти референдумот

Реагираше и министерот за дијаспора, Едмонд Адеми кој вели дека случајот е пријавен, а снимачите се идентификувани и ќе ги сносат сите законски последници согласно австралиското законодавство.

„Чинот на снимање на гласачите пред конзулатот во Мелбурн од страна на неколку индивидуалци е спротивно на сите закони и вредности на демократијата“, напиша Адеми на својот „Фејсбук“ профил.

Денеска на еден ден пред реферндумот гласаат државјаните на Република Македонија што живеат во странство, болните, изнемоштените, лицата во домашен притвор и затворениците.

Македонското Министерство за внатрешни работи во неколку наврати во пресрет на гласањето предупреди дека слични ситуации нема да се толерираат за време на референдумот в недела.

 

DW.COM

Аудио и видео прилози на оваа тема

Реклама