Југоисточна Европа во канџите на зимата
Спортистите се радуваат, но луѓето без покрив над главата и греење се загрозени од снегот и мразот. Повеќе од 70 луѓе веќе починаа поради студ. Прогнозите велат - мало зголемување на температурите, а потоа повторно студ.
Ослободена од мразот
Студот ги погаѓа и луѓето и животните. Оваа птица беше замрзната во Дојранско Езеро. Без помошта на рибарите беше соочена со смрт.
Ни трага од променадата
Променадата во Солун: некаде зад уличните фенери би требало да биде и морето. Додека снегот на југот на Грција веќе е истопен, на северот е студено како што не било со децении.
Во ред за топол оброк
На Балканот без доволна заштита од студот се и многу бегалци. Според хуманитарните организации, во Белград под отворено небо на температури под нулата спијат повеќе од 1200 бегалци.
Студот убива
Поради студот од почетокот на годинава само во Полска починаа најмалку 27 луѓе. Тие или замрзнале поради екстремно ниските температури, или починале од труење со јаглерод моноксид, поради тоа што за греење се пали сѐ и сешто.
Санти мраз меѓу Будим и Пешта
Убавата страна на студот - унгарскиот парламент во вечерно светло, додека замрзнатиот Дунав тече меѓу Будим и Пешта. Она што ги восхитува туристите, им е кошмар на сиромашните. Министерството за внатрешни работи соопшти дека со дрва за греење снабдило 185.000 унгарски семејства во нужда.
Пауза за топовите за снег
Речиси невообичаена слика: нов снег кој не доаѓа од топови за снег. Во скијачкиот регион Цаухензе кај Салцбург луѓето се радуваат на зимата и снегот. Во Австрија и јужно од нејзе и наредната недела треба да биде ужасно студено.