1. Прескокни до содржината
  2. Прескокни до главната навигација
  3. Кон други страници на DW

Штајнмајер денеска на разговори во Израел

Естер Сауб11 јануари 2009

Германскиот министер за надворешни работи Франк Валтер Штајнмајер денеска ја завршува мини турнејата по земјите од Блискиот исток со средбите во Израел.

https://p.dw.com/p/GVxj
Германскиот министер за надворешни работи, Франк Влатер ШтајнмајерФотографија: AP

Утринава во Ерусалим, на почетокот од разговорите, тој се сретна со шефот на мисијата на Меѓународниот комитет на црвениот крст, Пјер Ветах, при што главна тема беше помошта за палестинското население во Појасот Газа. Штајнмајер допатува од Египет, каде вчера имаше опсежни разговори со претседателот Хосни Мубарак околу изгледите за реализација на египетскиот мировен план.

Nahostreise Außenminister Frank-Walter Steinmeier in Ägypten mit Präsident Hosni Mubarak
Сериозни разговори со посредникот на Блискиот исток, египетскиот претседател Хосни МубаракФотографија: AP

Средбата меѓу шефот на германската дипломатија Франк Валтер Штајнмајер и египетскиот претседател Хосни Мубарак траеше два пати подолго од планираното. Тоа се должи на фактот што гостинот од Берлин ја стави на дневен ред чувствителната тема на сопирањето на шверцот со оружје од египетска територија кон Појасот Газа. Тоа е еден од најважните услови за склучување траен мир меѓу Израел и Палестинците. Штајнмајер призна дека станува збор за тешка задача: „Знам колку сериозна е оваа задача, потполно да се прекине шверцот на оружје. Сепак, сакаме да ја поддржиме египетската влада во тоа настојување и затоа се договоривме за неколку дена во Каиро да пристигне група германски експерти, кои заедно со египетските колеги ќе ги разгледаат проблемите и ќе им понудат техничка помош за набљудувањето на границата кон Појасот Газа, како и тренинг за подобрување на граничната контрола.“

Сигнали на готовност за мировни преговори

Штајнмајер го пофали египетскиот мировен предлог, како и напорите на Мубарак да посредува меѓу Израелците и Палестинците. Во исто време со Штајнмајер во Каиро престојуваше и висока делегација на радикалното движење на Палестинците, Хамас. Тоа се толкува како знак дека Хамас е подготвен да преговара за примирје со египетско посредување. Во Каиро се најде и претседателот на Палестинците, Махмуд Абас, кој го предводи ривалското палестинско движење Фатах. Абас по средбата со шефот на германската дипломатија изјави: „Постои национален дијалог за враќање на различните партии во палестинското раководство. Хамас е дел од тоа раководство, дел од палестинскиот народ, тоа никој не може да го порекне.“

Nahostreise Außenminister Frank-Walter Steinmeier in Ägypten mit dem Palästinenserpräsident Mahmud Abbas
Штајнмајер на разговори со претседателот на Палестинците Махмуд АбасФотографија: AP

Египетскиот мировен план покрај преговорите меѓу страните во конфликтот предвидува и разговори за прекин на блокадата на Појасот Газа од страна на израелската армија и за отворање на границите. Впрочем таа блокада и ја предизвика сегашната војна, оценуваат експертите во Египет.