1. Прескокни до содржината
  2. Прескокни до главната навигација
  3. Кон други страници на DW
Катастрофи

Фридерике однесе осум животи во Германија

СН/ агенции
19 јануари 2018

Во силната бура Фридерике загинаа најмалку 11 луѓе во северна Европа, од кои 8 во Германија, каде, меѓу другото а германската железница Дојче бан мораше целосно да го запре железничкиот сообраќај..

https://p.dw.com/p/2r8iB
Sturmtief "Friederike" - Thüringen
Фотографија: picture alliance/dpa/WichmannTV

Во најсилниот оркан во последната деценија во западна Европа загинаа најмалку единаесет луѓе. Германската метеоролошка служба соопшти дека Фридерике, како што беше наречен орканот, била најтешката бура од 2007 година наваму. Ветриштата кои ги донесе дотигнале максимална брзина од 203 километри на час. „Со тоа 11 години по бурата Кирил, повторно имавме оркан од кралска класа“, изјави Андреас Фридрих, експерт за бури во службата.

Германија во хаос по налетот на силниот оркан

Во пониските региони, службата измерила брзина на ветрот од 138 километри на час. Фридерике предизвика огромни материјални штети и целосен застој во железничкиот сообраќај.  Денеска состојбата полека се нормализира

Deutschland Sturmtief Friederike Brandenburg
Фотографија: picture-alliance/dpa/S. Rasche

Инаку од осумте жртвите во Германија, двајца се пожарникари.  Претходно во налетот на бурата загинаа две лица во Холандија и едно во Белгија. Во германската покраина Тирингија ветрот однесе кров на едно училиште, но немаше повредени. Во покраината Северна Рајна Вестфалија училиштата беа затворени во текот на вчерашниот ден. Железничкиот и патниот сообраќај е отежнат и во Франција, Белгија и во Холандија.

Sturmtief Friederike Zugverkehr fällt aus in NRW Bahnhof Köln
Фотографија: REUTERS

Покрај тоа откажани беа 320 лета од аеродромот во Амстердам, како и бројни летови од аеродромите во Диселдорф и Минхен. Фридерике, која во Франција и во Белгија ја нарекоа Давид, откако протатни низ Германија продолжи да се движи кон исток, а ветерот достигнува брзина поголема од 130 километри на час, наведоа метеролозите.