Укинати 12 членови од законот за лустрација

Со најновата одлука на Уставниот суд лустрацијата се укинува за поранешни функционери, новинари, членови на организации, адвокати и медијатори. Суд за оспорените одредби од Законот за лустрација поведе постапка во јануари, годинава.

Членовите се укинати од две причини. Првата е временското важење на Законот. Законодавецот, според Уставниот суд, непрецизно го определил времето и со таквата непрецизност ја оставил можноста временскиот опфат да се протега до денот на примената на Законот или дури десет години по формирањето на Комисијата за лустрација. Уставен смета дека лустрацијата треба да се смета до 91-та како што е наведено и во ниваната одлука од 2010-та година.
Втора причина е опфатот на субјектите на кои се однесува Законот. Во врска со поранешни носители на јавни функции, доколку не се кандидати или актуелни функционери, им се нарушува интегритетот и достоинството кои се уставна категорија.
Во меѓувреме владејачките партии изготвија нов закон за лустрација според
кој имињата на кодошите ќе бидат јавно објавувани како и документите кои
ја потврдуваат нивната соработка со тајните служби.
Овој закон ќе има поширок опфат, односно ќе се лустрираат и лицата кои се
збогатиле за време на приватизацијата. Новинарите, верските заедници,
политичките партии, невладините организации нема да имаат обврска да се
лустрираат, освен на нивно барање или ако бидат пријавени како сомнителни.
Новиот закон ќе го опфаќа периодот од 1944. година до 2006. година, кога
почнал да се применува Законот за слободен пристап до информации.