1. Прескокни до содржината
  2. Прескокни до главната навигација
  3. Кон други страници на DW

080809 Indonesien Terror

8 август 2009

Во неколку рации на индонезискиот остров Јава, според индонезиските медиуми, веројатно бил убиен најбараниот терорист во Југоисточна Азија, Нордин Топ. Досега нема официјална потврда за тоа.

https://p.dw.com/p/J68s
Нордин Топ, стратегот на теророт во ИндонезијаФотографија: FBI

Полициската акција од изминатата ноќ беше пренесувана на индонезиската телевизија како „брејкинг њус“. Специјалните сили на индонезиските анти-терористички единици, ноќеска прво претресле една работилница во Темангунг, во централна Јава и притоа дошло до престрелка со три или четири лица кои се наоѓале таму. Полицијата се‘ уште не потврдила дали меѓу повредените или убиените е и Нордин Топ. Тој е обвинет за голем број терористички напади во изминатите години, меѓу кои и бомбашките напади на островот Бали во 2002 и 2005 година, нападот врз хотелот Мариот и врз австралиската амбасада во Џакарта во 2003 и 2004 година.

Indonesien Noordin Top
Куќата каде што се криел Нордин ТопФотографија: AP

Важен успех во борбата против тероризмот

Тој важи за клучна фигура во борбата против тероризмот во Југоисточна Азија, вели експертот за тероризам, Роан Гунарата:

„Апсење или убиство на Нордин Топ би бил важен успех за заштита на националната безбедност во Индонезија. Во спротивно, би морало да се смета со натамошни напади, зашто Нордин Топ е водач на една од најопасните групи што се отцепија од Џама Исламија. “

Автор: Бернд Муш Боровска/ Елизабета Милошевска Фидановска

Редактор: Симе Недевски