Тројката на косовските Срби им ветила дека ќе бара компромисно решение

Меѓународната посредничка Тројка им дала ветување на косовските Срби дека за статусот на Косово ќе бара компромисно решение.

“Нема прејудицирање на статусот и де факто нема ограничување на роковите. Тројката по 120 дена ќе го претстави својот извештај, но тоа не значи и завршување на процесот”, изјави претставникот на Српската листа за Косово и Метохија, Оливер Ивановиќ, по состанокот со меѓунардоните посредници. Волфганг Ишингер, Франк Визнер и Александар Боцан Харченко по средбите во Белград и Приштина порачаа дека нема да изнесат нивни предлози туку бараат консензус од двете страни.