1. Прескокни до содржината
  2. Прескокни до главната навигација
  3. Кон други страници на DW

Тежок земјотрес на Филипини

ЕМФ/дапд/дпа31 август 2012

Пред источниот брег на Филипини се случи тежок земјотрес, со јачина од 7,7 степени според Рихтеровата скала.

https://p.dw.com/p/161Z4
Фотографија: picture-alliance/dpa

Веднаш по земјотресот е издадено предупредување за можен цунами за повеќе пацифички држави. Според американските геолошки власти, епицентарот на земјотресот се наоѓа на нешто повеќе од 30 километри под морското дно. Весникот „Инквајерер“ на својата интернет страница извести дека засега нема информации за штети. Земјотресот се случил на околу 160 километри оддалеченост од крајбрежното место Боронган, во 14:47 часот по средноевропско време. Од жителите се бара да се засолнат на сигурно поради опасност од цунами.

Според Центарот за рано предупредување од цунами што се наоѓа на Хаваи, земојтреси со ваква јачина „имаат потенцијал да предизвикаат уништувачки цунами“. Засега нема конкретни податоци за големи бранови. Предупредувањето од цунами се‘ уште важи за Филипини, Индонезија и некои пацифички островски држави, а укинато е за Јапонија и Тајван.