Сто години црвено и зелено
Во август 1914-та, во Кливленд, во американската сојузна држава Охајо, во употреба е пуштен првиот електричен семафор на светот. На почетокот бил исмеван, а денес животот не може да се замисли без „светлосниот сигнал“.
Јасно и едноставно
„На црвено застануваш, на зелено смееш да одиш!“ Со генерации децата се учат како да се однесуваат на семафор, а за да им биде полесно дури се измислуваат песнички со рима. Не дека денес секој се придржува до сигналот на семафорите, но што значат боите им е јасно на сите.
Ова не сакаме да го гледаме!
Како што рековме, не секој се придржува до правилата. Овие граѓани во Брауншвајг сигурно знаат дека треба да запрат на црвено светло, но можеби имаат некој важен термин. А ако нема деца за да видат како се прави прекршок, тогаш...
Животно важно!
Потсдамер плац во Берлин во 1920-тите важеше за место со најгуст сообраќај во светот. Хаотичните сцени како оваа беа причина за сознание дека различните „сообраќајни струи“ треба да се одделат една од друга, за во сообраќајот слабите да бидат заштитени од посилните.
Се‘ уште неопходен
Истото место денес - семафорите создадоа ред во сообраќајот. пешаците и возачите веќе не си „навлегуваат“ во патеките. Сообраќајот е подобро организиран. Часовникот кој се гледа на фотографијата е многу сличен на оној на претходната слика, тој всушност е негова копија, само што во него сега има и семафор.
Понекогаш може и без семафор...
... како што тоа го докажува и овој англиски сообраќаец. Многу децении тоа беше стандард. Денес сообраќајците на улиците на повеќето европски градови излегуваат само ако снема струја или ако сообраќајната гужва е преголема.
Семафор 2.0
Во Африка се веќе чекор подалеку. Во Киншаса, главниот град на ДР Конго, на пример, сигурноста на електричниот семафор е спакувана во облик на стариот авторитет - сообраќаен полицаец. Од тоа произлезе овој „хуманоид“, ако зборот притоа се сфати многу широко. Но дали е ова навистина модел на иднината?
Отпор на промени
Дури и мали промени на вообичаените слики на семафорите може да предизвикаат бура од протести. На првата фотографија од оваа галерија се прикажани човечињата на семафорите во Западна Германија, а на оваа човечињата во Источна Германија. Дури и по повеќе од 20 години од обединувањето на земјата многу Германци на истокот и на западот си ги сакаат „своите човечиња“ на кои навикнале.
На земја и на вода
Електричните семафори го регулираат не само улиниот сообраќај, туку и сообраќајот на реките. Овој овде го регулира пристапот до бродските преводници. Во една преводница смее да се влезе амо ако таа е празна. За да нема забуна и мешање со уличните семафори, овде светлата се едно до друго.
Насекаде
Симболиката на боите на семафорот е длабоко навлезена во секојдневниот јазик - кога некој нема никакви забелешки, тогаш се дава „зелено светло“. Зеленото е добро, црвеното лошо, а жолтото го симболизира сето она што е некаде помеѓу. Така се обележани и дел од пакувањата на детска храна - зелено значи дека на детето смее слободно да му се дава за јадење.
Политика
Боите се и симобли на политичките партии. На пример, во Германија вообичаена коалиција е црно-жолтата (демохристијани и либерали) или црвено-зелената (социјалдемократи и зелени). Има и тробојни - Јамајка-коалиција (во боите на знамето на Јамајка: демохристијани, либерали и зелени) или семафор-коалиција (социјалдемократи, либерали и зелени).