1. Прескокни до содржината
  2. Прескокни до главната навигација
  3. Кон други страници на DW
Криминал

Смртоносни пукотници на турнир во видео игри во Флорида

СН/ агенции
27 август 2018

Во градот Џексонвил, Флорида, се случи вооружен напад за време на турнир во видео игри. Неколку луѓе се убиени. Причините за инцидентот не се докрај јасни.

https://p.dw.com/p/33ou4
USA Schießerei in Einkaufszentrum in Jacksonville, Florida
Фотографија: picture-alliance/AP Photo/L. Heald

Најмалку три лица загинаа, меѓу нив и напаѓачот, а 11 се ранети откако 24-годишен маж од Балтимор отвори оган од автоматско оружје на турнирот во видео игри во Џексонвил во американската сојузна држава Флорида. Ова е последниот биланс од смртоносната престрелка, кој утрината го соопштија властите во Флорида.

USA Schießerei in Einkaufszentrum in Jacksonville, Florida
Фотографија: picture-alliance/AP Photo/J. Raoux

„Три лица загинаа на лице место. Една од жртвите е и напаѓачот, кој си го одземал животот“, изјави одговорниот шериф Мајк Вилијамс. Се верува дека напаѓачот е 24-годишниот Дејвид Кац од Балтимор, истакна шерифот.

Турнирот во видео-игри, кој во живо беше пренесуван на интернeт, се одржуваше вчера во трговски центар со ресторани и продавници во Џексонвил. На турнирот се играше симулацијата на американски фудбал „Маден НФЛ 2019“ а се верува дека и напаѓачот учествувал на турнирот.

USA Schießerei in Einkaufszentrum in Jacksonville, Florida
Фотографија: picture-alliance/AP Photo/J. Raoux

Американските медиуми шпекулираат дека напаѓачот отворил оган кон своите соиграчи затоа што бил лут поради изгубен меч. Официјално, ваквите шпекулации сѐ уште не се потврдени.