1. Прескокни до содржината
  2. Прескокни до главната навигација
  3. Кон други страници на DW

Слобода за една членка на Пуси Рајот

БГ/дпа/афп10 октомври 2012

Апелацискиот суд во Москва ослободи една од трите членки на групата, откако утврди дека таа не земала учество во перформансот во црквата

https://p.dw.com/p/16NGq
Фотографија: picture-alliance/dpa

Апелацискиот суд во Москва ослободи една од трите членки на панк-групата Пуси Рајот кои беа осудени на две годишни затворски казни поради хулиганство. Екатерина Самузевич е ослободена од издржување затворска казна и се очекува да биде пуштена на слобода. Останатите две припаднички на групата ќе мораат да ја издржат затворската казна која им беше изречена во август годинава, откако судот ги прогласи за виновни за хулиганство мотивирано од верска нетрпеливост.

Казната на Самузевич била ревидирана откако судот утврдил дека таа воопшто не земала учество во перформансот во катедралата во Москва, поради тоа што обезбедувањето ја отстранило од црквата пред да земе учество во настапот.

Трите членки на групата пред судот се бранеа дека нивниот настап не бил мотивиран од верска нетрпеливост, туку бил политички во својата природа и насочен против рускиот претседател Владимир Путин.