Се чека на одлука за сопственикот на ТЕЦ Неготино

Македонската влада денеска треба да соопшти кој ќе биде сопственик на ТЕЦ Неготино. Кабинетот на премиерот Никола Груевски до рано изутрината ги разгледуваше понудите на двете компании, грчко -американската Сенкап и конзорциумот Хач и Мекдоналдс. Сенкап за неготинската термоелектрана понуди 68 милиони евра и изградба на централа со моќност од 600 мегавати, а канадско-американскиот конзорциум Хач понуди 61,7 милиони евра и изградба на централа која би работела на јаглен, мазут или на гас. На интернет страницата на конзорциумот стои дека нивната понуда победила на тендерот.