1. Прескокни до содржината
  2. Прескокни до главната навигација
  3. Кон други страници на DW

Свечено отворање на Светскиот ден на младите католици

СН/ЖА/ртр/дпа/афп26 јули 2013

На шареноликата церемонија на отворање на Светскиот ден на младите на Католичката црква во Рио де Женеиро, учесниците ги поздрави папата Франциско.

https://p.dw.com/p/19EcY
Фотографија: Getty Images

Папата Франциско вчера ја посети плажата Копакабана во Рио де Женеиро, каде го дочекаа речиси еден милион верници, заедно да го прослават отворањето на 28. Светски ден на младите католици. По слетувањето со хеликоптер, папата половина час во отворено возило се возеше речиси 4 километри по должина на прочуената плажа Копакабана, поздравувајќи ги верниците.
И покрај лошите временски услови и дождот, папата им се обрати на младите, притоа нагласувајќи оти покажале дека нивната вера е појака од се', па така и од лошото време. Тој ги повика младите католици Исус Христос да го постават во средиштето на своите животи, да ја обноват вербата и верата да им стане компас.

Weltjugendtrag 2013 Rio de Janeiro Papst Franziskus
Фотографија: Getty Images

Папата Франциско вчера ја посети фавелата Варгиња во Рио де Женеиро каде се сретна со жителите на сиромашната населба и го освети олтарот во локалната црква.