Сведок: Говорот на Трамп како поттик за насилен марш
13 јули 2022
Американскиот претседател Доналд Трамп, според изјава на еден сведок, во јануари минатата година со својот говор поттикнал дел од своите приврзаници да тргнат на насилен марш кон Капитол.
Стивен Ајрес во текот на сослушувањето пред парламентарната комисија во Вашингтон, изјави дека тој не планирал да оди во Капитол. Дури откако Трамп го одржал говорот, кој „сите ги возбудил“, Ајрес, во тоа време приврзаник на Трамп, вели тоа го натерало да го промени мислењето. „Сите мислеа дека и тој ќе маршира. Знаете, тој во својот говор рече дека ќе биде со нас“, изјави Ајрес.
Тој раскажа дека повиците на социјалните мрежи го поттикнале да дојде во Вашингтон на 6 јануари. Рече дека „дефинитивно“ верувал оти имало измама на претседателските избори во 2020 година. Сега, како што тврди, не верува „толку многу“ во тоа. Тоа се должи и на фактот што се повлекол од социјалните мрежи и самиот „истражувал“, рече Ајрес.
- повеќе: Една година по нападот врз Капитол - американската демократија е отворена рана
Денес тој жали што верувал во она што го зборувал Трамп. „Имав чувство како некој да ми ги покрил очите. Цело време бев заробен“, изјави сведокот.