1. Прескокни до содржината
  2. Прескокни до главната навигација
  3. Кон други страници на DW

Рокот за Комисијата истекува, сите сценарија можни

ЕМФ/миа23 август 2013

Комисијата за расчистување на настаните од 24 декември денеска (23.08) треба да донесе заклучоци. Според најавите, можни се сите сценарија.

https://p.dw.com/p/19Uxx
Фотографија: MIA

Борче Давитковски, претседател во оставка на ад хок Комисијата, изјави дека има поместувања во позициите на двете страни и на ВМРО - ДПМНЕ и на СДСМ, но сепак, тој смета дека сите сценарија се можни. Во текот на вчерашниот ден, Давитковски заедно со странскиот експерт Петер Ванхаусен, имаа заедничка средба со членовите на Комисијата.

Претходно, странскиот експерт Ванхаусен и Давитковски имаа и одвоени средби со членовите на Комисијата од ВМРО-ДПМНЕ и од СДСМ.

Лидерите на ВМРО-ДПМНЕ и на СДСМ, Никола Груевски и Зоран Заев во понеделникот (19.08) се договорија во периодот што следува да се вложат последни напори за откочување на процесот, негово интензивирање и донесување конечно решение околу извештајот на Комисијата, како последен обид за постигнување договор, чие евентуално недонесување ги загрозува европските перспективи на Македонија. Пред речиси еден месец оставка на функцијата претседател на Комисијата даде професорот Борче Давитковски, поради, како што рече, неможност да се постигне согласност за конечниот извештај од работата на Комисијата.