Рајс: време е да се создаде палестинска држава
16 октомври 2007Реклама
Американската министерка за надворешни работи Кондолиза Рајс по средбата со палестинскиот претседател Махмуд Абас во Рамалах изјави дека е време за креирање палестинска држава. Според неа Израел и Палестина никогаш како сега не соработувале толку блиску на изнаоѓање на мировно решение. И Абас го поддржа планот за усвојување на заедничка платформа со Израел, која би била основа за претстојната мировна конференција за Блискиот Исток закажана за следниот месец во САД.