Полскиот претседател стави вето на спорниот медиумски закон

Претседателот на Полска, Анджеј Дуда, одби да стави потпис врз новиот закон за медиумите во сегашната форма. Парламентот во Варшава го усвои законот кратко пред Божик. САД, исто како и Европската комисија, предупредија на опасностите од ограничување на слободата на медиумите предизвикани од законот. Национал конзервативниот Дуда апелираше до Сејмот, долниот до на Парламентот, да пронајде посоодветни начини за ограничување на учеството на странски прептпријатија на медиумскиот пазар во Полска. Законот усвоен во парламентот предвидува во иднина лиценци за радио-телевизија да добиваат само странци кои имаат свое седиште или централа во економскиот простор на Европската унија. Освен тоа, носителот на лиценца не смее да биде зависен од некој чија централа или цедиште не е во ЕУ. Според критичарите, законот е насочен против  приватната телевизија ТВН,  која е дел од американскиот концерн Дискавери. ТВН24 следи критичка линија во поглед на владејачката партија ПиС во  Полска.