Пет жртви во заложничката драма во Карлсруе

Меѓу загинатите се и киднаперот и една жена. Загинаа и судскиот извршител, уште едно лице од групата за присислно иселување, како и браварот кој требало да ги смени бравите на станот. За попладнево полицијата најави прес-конференција со повеќе детали.

Присилното иселување во поткровјето на зградата, која се наоѓа во северниот дел на Карлсруе, било планирано за рано изутринава (04.07). Станарот ги пуштил судскиот извршител и неговата придружба во станот во девет часот. Непосредно потоа се слушнале повеќе истрели. По речиси тричасовна заложничка драма, полициски специјалци упаднале во станот откако претходно забележале како оттаму излегува чад. Што точно се случувало во станот засега е непознато. Полицијата го има блокирано местото на настанот. Евакуирани се и неколку улици околу зградата.