Оставка на палестински министер

Палестинскиот премиер Исмаил Ханија ја прифати оставката на министерот за внатрешни работи Хани Ал Кавасми. Оставката на министерот следува по судирите меѓу приврзениците на Фатах и Хамас во појасот на Газа во кој две лица загинаа а 11 се повредени. Непосредно по полноќ двете страни изразија подготвеност да ги запрат крвавите судири. Портпарол на Фатах соопшти дека договорот постигнат со египетско посредство предвидува повлекување на сите борци од улиците на појасот Газа.