1. Прескокни до содржината
  2. Прескокни до главната навигација
  3. Кон други страници на DW

Обама и Далај Лама ја лутат Кина

16 јули 2011

Американскиот претседател Барак Обама денеска во Вашингтон ќе го прими Далај Лама, духовниот лидер на Тибетанците. Од Кина веќе стигнаа протести против планираната средба.

https://p.dw.com/p/11wbQ
Барак Обама и Далај Лама се сретнаа и минатата годинаФотографија: AP / AP /Montage

Портпарол на министерството за надворешни работи во Пекинг нагласи дека станува збор за мешање во внатрешните работи на Кина и побара Белата куќа да ја откаже средбата. Оттаму, пак, нагласуваат дека со состанокот со Далај Лама, претседателот Обама сака да ја искаже својата поддршка за зачувувањето на уникатниот религиозен, културолошки и јазичен идентитет на областа Тибет.

Кина побара откажување и на претходната средба на Обама и Далај Лама, одржана минатата година и остро ја осуди по нејзиното одржување. Владата во Пекинг го обвинува 76-годишниот нобеловец дека се залага за отцепување на Тибет од Кина. Далај Лама, пак, ги негира таквите обвинувања, нагласувајќи дека се бори за поголема автономија на регионот.

Автор: ТТ/дв

Редактор: Е.М.Фиданоска